Dáhpáhusat.lundui.fi-neahttabálvalusa almmolaš geavahaneavttut

Beaiváduvvon 17.4.2020

Feahttabálvalusa govvádus

Dáhpáhusat.lundui.fi -neahttabálvalusa (maŋŋelis ’Bálvalus’) buvttada Meahciráđđehus (Y-dovddaldat: 0116726-7), mii maiddái vástida bálvalusa bajásdoallamis. Bálvalus čoaggana Meahciráđđehusa ja áššehasaid (maŋŋelis ’Geavaheaddji’) buvttadan sisdoalus, dego dáhpáhusgovvádusain sihke eará teavsttain ja govain (maŋŋelis ’Sisdoallu’).

Geavaheaddji čatnasa geavahit Dáhpáhusat.lundui.fi-neahttabálvalusa dáid geavahaneavttuid, lága ja buori dábi mielde. Bálvalus lea nuvttá.

Buot bálvalusa ovdanboahtti dieđut leat dárkkuhuvvon dušše informatiivvalaš ulbmiliidda, eaige dieđut galgga ipmirduvvot juridihkalaš, gávppálaš ded. rávan. Meahciráđđehusas ii leat ovddasvástádusas ovdanboahtti dieđuid heivvolašvuođas geavaheaddji dárbbuide dahje dáid dieđuid vuođul bargojuvvon doaimmaid bohtosiin.

Dát geavahaneavttut gusket sihke registrerekeahtes Bálvalusa geavaheaddjiid ja registrerejuvvon geavaheaddjiid.

Bálvalusa Geavaheaddji dohkkeha dáid geavahaneavttuid iežas čadnin go geavahit Bálvalusa fuolatkeahttá das, registrerego Geavaheaddji vai ii.

Geavahanvuoigatvuohta materiálii, mii almmustahttojuvvo neahttabálvalusas

Bálvalusa oažžu geavahit dušše dáhpáhusaid ja daid gulahallama ovddidan ulbmiliidda. Geavaheaddji ii oaččo eará vugiin ávkkástallat Bálvalusa dahje dan osiid almmá Meahciráđđehusa girjjálaš miehtama.

Geavaheaddji vuoigatvuođat Bálvalussii lasihan Sisdollui seilot geavaheaddjis. Meahciráđđehusas ja Bálvalusa geavaheaddjis lea goittotge riekti čájehit Bálvalussii almmolaččat biddjojuvvon Sisdoaluid Bálvalusa siste ja sosiála medias almmá sierra lobi Sisdoalu doaimmahan Geavaheaddjis, jus dát lea searvan Dáhpáhusat.lundui.fi-bálvalussii dahje addán muđuid lobi Sisdoalu geavaheapmái. Geavaheaddji namma dahje geavahandovddaldat ii dalle vealttakeahttá máinnašuvvo áššeoktavuođas. Meahciráđđehusas ii leat riekti almmá Geavaheaddji girjjálaš lobi ávkkástallat Geavaheaddji almmolaš govaid ovdamearkan sierra eanadatgovvan, muhto govaid geavaheamis dákkár ulbmiliidda sohppojuvvo álo sierra Geavaheaddjiin.

Geavaheaddji vuoigatvuođat ja geatnegasvuođat

Geavaheaddjit sáhttet lasihit Bálvalussii Sisdoalu dáhpáhusain maid ordne. Sisdoalu lasiheapmi Bálvalussii gáibida nuvttá registrerema. Dušše Sisdoalu geahččan lea vejolaš almmá registreremage.

Geavaheaddji lea geatnegahtton deavdit Bálvalussii registreredettiin rievttes gáibiduvvon geavaheaddjidieđuid, dego rivttes ovda- ja sohkanamas. Meahciráđđehus deattuha ahte rivttes oktavuođadieđuid addin lea dahkkivuoigatvuođalaš sivaid dihtii vealtameahttun ja Meahciráđđehus sáhttá álgit dárbbašlaš doaibmabijuide jus eahpida boasttugeavaheami.

Geavaheaddjis lea ovddasvástádus geavaheaddjidovddaldagas ja suollemassánis fuolalaš seailluheamis nu, ahte geavahandovddaldat ja suollemassátni eai gártta olggobeale olbmuid dihtui. Geavaheaddji galgá almmuhit Bálvalusa máhcahanskoviin dakkaviđe, jus su geavaheaddjidovddaldat dahje suollemassátni lea láhppon dahje son eahpida, ahte su geavaheaddjidovddaldat dahje suollemassátni lea gártan goalmmát oassebeali dihtui. Geavaheaddji sáhttá oažžut láhppon geavaheaddjidovddaldaga ja suollemassáni sadjái ođđa dovddaldagaid nu háliidettiin.

Geavaheaddji vástida álo persovnnalaččat buot geavaheaddjidovddaldagainis ja suollemassániinis dáhpáhuvvan Bálvalusa geavaheamis. Geavaheaddji vástida maiddái buot Bálvalussii doaimmahan sisdoalus. Eandalii Geavaheaddji vástida das, ahte Geavaheaddji doaimmahan Sisdoallu ii loavkit goalmmát oassebeali dahkkivuoigatvuođaid, dávvirmearkavuoigatvuođaid dahje eará immateriálavuoigatvuođaid, iige leat muđuid lága dahje buori vuogi vuostá. Geavaheaddji vástida das, ahte sus lea riekti addit materiála Meahciráđđehussii almmustahttima várás Dáhpáhusat.lundui.fi-neahttabálvaluas dahje dasa laktásan eará gulahallanmateriálas. Geavaheaddji vástida lobihis materiála riektehálddašeaddjiid dahje eará goalmmát oassebeliid dan vuođul ovdanbuktán buhtten- ja eará gáibádusain. Ovdamearkan čuovgagova luđen Bálvalussii gáibida earret eará álo gova váldán olbmo ja govas oidnon olbmuid miehtama.

Geavaheaddji čatnasa geavahit Bálvalusa lágaid, eará njuolggadusaid ja buori vuogi mielde. Bálvalussii ii oaččo sáddet, sirdit dahje vurket pornográfa, morálahis, boastto dieđuid gaskkustan, rihkuslaš, rasisttalaš jed. Sisdoalu. Bálvalusa ii maiddái oaččo geavahit automatiserejuvvon dieđusirdima vurkenbáikin (omd bearráigeahččokámerat).

Bálvalusa ii oaččo geavahit guovllus, gos dán gažaldatvuloš guovllu lágat ja/dahje njuolggadusat gildet Bálvalusa geavaheami. Geavaheaddji lea geatnegas ollislaččat buhttet vahágiid ja goasttádusaid, mat leat šaddan dáid geavahanrivttiid vuostásaš doaimmas dahje geavahaneavttuid mearrádusaid rihkkumis.

Bálvalus sáhttá sisttisdoallat dahkkivuoigatvuođain, dávvirmearkavuoigatvuođain ja eará immateriálavuoigatvuođain suddjejuvvon materiála. Bálvalus lea suddjejuvvon dahkkivuoigatvuođain Suomas fámus lean dahkkivuoigatvuođalága mielde. Geavaheaddjis ii leat almmá riektehálddašeaddji njuolggo girjjálaš lobi lebbet, almmustahttin, kopieret, bidjat servošii oažžunláhkái dahje gávppálaččat ávkkástallat earáid Geavaheaddjiid Bálvalussii doaimmahan suddjejuvvon materiála earret láhkaásaheami dan sierradáhpáhusas soabadettiin.

Geavaheaddji sáhttá liŋket buot Bálvalusa sisdoallosiidduide ja ovdasiidui almmá sierra lobi, muhto dalle galgá álo máinnašit gáldu. Bálvalusas lean ovttaskas govaid ja videoid liŋken ja daid juohkin sosiála mediai lea lobálaš dahkkivuoigatvuođalága mielde. Bálvalusfállis lea riekti ráddjet olggobeale liŋkemiid ee. johtalusa ja noađuhansivain.

Geavaheaddji vástida goasttádusainis Bálvalusa geavaheami gáibidan rusttegiid, prográmmaid ja diehtojohtalusoktavuođaid skáhppomis ja bajásdoalus ja eará Bálvalusa geavaheamis šaddan goluin. Geavaheaddji vástida goasttádusainis su geavahan rusttegiid, prográmmaid ja diehtojohtalusoktavuođaid oktiiheivemis Bálvalusa geavaheaddjiin. Geavaheaddji lea diđolaš, ahte neahttabiras ja neahttabálvalusat eai leat ollásit diehtodorvvolačča. Geavaheaddji vástida iežas diehtovuogádagaid diehtodorvvu áššáigullevaš dikšumis.

Geavaheaddjis lea vuoigatvuohta jávkadit profiillas Bálvalusas go váldá oktavuođa Bálvalusa bajásdoallái. Geavahanriekti geavaheaddji Bálvalussii luđen sisdollui seailu lihkká Meahciráđđehusas dáhpáhusaid ovddidan mihttomeriin.

Meahciráđđehusa vuoigatvuođat ja geatnegasvuođat

Bálvalusa oamastan- ja buot eará vuoigatvuođat gullet Meahciráđđehussii. Meahciráđđehusas lea riekti goas beare rievdadit Bálvalusa, dan Sisdoalu ja dárkkuhusa, oažžuma ja dan geavaheapmái dárbbašuvvon rusttegiidda ásahuvvon gáibádusaid.

Sisdoalu sádden Bálvalussii dáhpáhuvvá Geavaheaddji doaimmas ja ovddasvástádus sáddejuvvon Sisdoalu lea Geavaheaddjis. Meahciráđđehus ii vástit mange bokte Geavaheaddji Bálvalussii sádden govain, govaid eaktivuođas dahje das, leago Geavaheaddjis riekti lebbet govaid dahje eará govaide gullevaš áššiin. Seammá guoská buot earáge Geavaheaddji Bálvalussii sádden dahje doppe juohkán dieđu. Meahciráđđehusas lea riekti almmustahttit Geavaheaddji Bálvalussii sádden materiála ollásit dahje oassái. Meahciráđđehus ii mávsse almmustahttimis mávssu dahje eará buhtadusa. Meahciráđđehus ii čatnas seailluhit Geavaheaddji Bálvalussii sádden materiála.

Meahciráđđehus ii vástit Geavaheaddji goalmmát oassebeliin Bálvalusa bokte ožžon dieđuin dahje dákkár dieđuid dahkkivuoigatvuođain dahje buori vuogi dahje lága njuolggadusaid loavkidan sisdoalus.

Meahciráđđehus ii dárkkis ovddalgihtii Geavaheaddji Bálvalussii luđen Sisdoalu. Meahciráđđehusas lea riekti gieđahallat Geavaheaddji Bálvalussii luđen sisdoalu. Geavaheaddji dohkkeha, ahte Bálvalussii luđejuvvon govvaoriginálat unniduvvojit automáhtalaččat meroštallon sturrodahkii. Bálvalussii eai vurkejuvvo Geavaheaddji luđen govaid govvaoriginálaid.

Meahciráđđehusas lea guorahallamis mielde goas beare riekti, muhto ii geatnegasvuohta, Geavaheaddji gulakeahttá ja dása sierra das almmutkeahttá jávkadit heivetmeahttumin oaidnán Sisdoalu Bálvalusas ja eastit Bálvalusa geavaheami, jus lea ákkastallojuvvon sivva eahpidit, ahte Bálvalus geavahuvvo ovdalis máinnašuvvon lobihis materiála lebbemii dahje muđuid buori vuogi dahje lága vuostá.

Meahciráđđehusas lea riekti luobahit lágahis dahje geavahanrivttiid vuostásaš Sisdoalu lága mielde doaibmaválddálaš virgeoapmahažžii. Meahciráđđehusas lea riekti jávkadit feaillalaš geavahandieđuid addán dahje muđuid dáid geavahanrivttiid, lága dahje eará vugiid rihkkon Geavaheaddji Bálvalusas ja Geavaheaddji gulakeahttá eastit su beassama Bálvalusa Geavaheaddjin. Meahciráđđehusas lea maiddái riekti jogo lonuhit Geavaheaddji beales dahje gáibidit Geavaheaddji molsut suollemassánis, jus Meahciráđđehus eahpida ahte Geavaheaddji suollemassátni ii leat šat luohtehahtti dahje rivttes olbmo hálddus.

Meahciráđđehusas lea riekti gieđahallat Geavaheaddji persondieđuid persondiehtolága ja eará láhkaásaheami mielde ja registtarčilgehusas dárkilut govvejuvvon vugiin.

Meahciráđđehusas lea riekti jávkadit badjel 6 mánu geavatkeahttá lean geavaheaddjidovddaldaga. Meahciráđđehusas lea maiddái riekti nuppástuhttit Geavaheaddji geavaheaddjidovddaldaga ja suollemassáni, jus dat dahket ruossalasvuođaid dahje badjálasvuođaid Meahciráđđehusa diehtovuogádagain.

Diehtočoahkuid geavaheapmi

Dáhpáhusat.lundui.fi-neahttabálvalusas geavahit diehtočoahkuid, mat laktásit neahttabálvalusa doaimmaide dahje neahttabálvalusa ávkkástallama mihtideapmái ja statistihkkadoaimmaide. Bláđána stellemiin geavaheaddji sáhttá háliidettiin gieldit diehtočoahkuid vuostáiváldima dahje jávkadit bláđánii vurkejuvvon diehtočoahkuid. Dát sáhttá goittotge mielddisbuktit váilevuođaid siidduid doaibmamis.

Bálvalusa bajásdoallan ja vahátbuhttengeatnegasvuohta

Meahciráđđehus figgá bajásdoallat Dáhpáhusat.lundui.fi-neahttabálvalusastis nu feaillahis ja alladásat dieđu go vejolaš, muhto ii atte dáhkádusa siidduidis dievaslašvuođas dahje sisdoalus. Meahciráđđehusas lea vuoigatvuohta buoridit ja rievdadit bálvalusa sisdoalu ja ráhkadusa.

Meahciráđđehusas ii leat ovddasvástádus das, ahte bálvalusa oažžu bistevaččat iige dat dáhkit, ahte bálvalus doaibmá geavahanboatkkaid haga dahje feaillaheamit. Meahciráđđehusas ii leat ovddasvástádus boastto sisdoalu dahje teknihkalaš vigiid dahje divvunbargguid geavaheaddjái vejolaččat dagahan njuolggo- dahje gaskkalaš vahágiin.

Meahciráđđehus ii vástit Bálvalusas ihtán vigiin, divvun- ja stellendoaimmain šaddan gaskkalduhttimiin dahje daid dagahan Bálvalussii gullan dahje eará dieđu nuppástusas dahje jávkamis, iige goalmmát oassebeliin boahtán dieđusirdimii laktásan váttisvuođain, hehttehusain dahje boatkkagiin.

Meahciráđđehus ii leat geatnegas buhttet Bálvalusa geavaheamis Geavaheaddjái dahje goalmmát oassebeallái šaddan vahágiid.

Earáid buvttadan materiála

Meahciráđđehusas ii leat mainnage lágiin ovddasvástádus earáid fierbmebálvalusaid sisdoalus dahje doaimmas, vaikko daidda beassá Dáhpáhusat.lundui.fi-neahttabálvalusas bokte. Sirdásettiin liŋkejuvvon siidduide geavaheaddji dohkkeha, ahte siiddut eai leat šat Meahciráđđehusa hálddus eaige Meahciráđđehusas leat vejolašvuođat váikkuhit daid sisdollui. Dáhpáhusat.lundui.fi olggobeale liŋkka gullan bálvalussii ii čujut dasa, ahte Meahciráđđehus mainnage lágiin máinnustivččii jearaldatvuloš siidduid dahje bálvalusaid.

Vuoigatvuođaid ja geatnegasvuođaid sirdin

Geavaheaddjis ii leat riekti sirdit Bálvalusa geavahanrievtti goalmmát oassebeallái almmá Meahciráđđehusa girjjálaš miehtama. Meahciráđđehusas lea riekti sirdit Bálvalusa dahje dan bajásdoalu ja dasa gullevaš ovddasvástádusaid ja geatnegasvuođaid Meahciráđđehuskonseartna siste dahje goalmmát oassebeallái.

Heivehuvvon láhka ja sierramielalašvuođaid čoavdin

Bálvalusa ávkkástallamii ja geavahaneavttuide heivehit Suoma lága. Dáidda geavahaneavttuide vuođđuduvvet dahje dáid eavttuid oaivvildan Bálvalussii gullevaš sierramielalašvuođaid figgat čoavdit vuosttažettiin oassebeliid gaskasaš ráđđádallamiin. Jus dás eai lihkostuva, riiddut čovdojuvvojit vuosttasdásis Vanda gearretrievttis.

Geavahaneavttuid vuoibmáiboahtin ja rievdadeapmi

Dát geavahaneavttut bohtet vuoibmái beivenmuttos (neahttasiidduin vuolimussan) ja leat vuoimmis doaisttážii. Meahciráđđehusas lea riekti rievdadit geavahaneavttuid, ja ođđa geavahaneavttut bohtet vuoibmái daid neahttabálvalusas almmustahttima áigemutto. Geavaheaddjái dieđihit nuppástuvvan geavahaneavttuin Bálvalussii gullevaš wwww.-siidduin.

Loga maiddái diehtosuodječilgehusa.